*کیا قران پاک پڑھنے سے پہلے اعوذ باللہ من الشیطان الرجیم پڑھنا واجب ہے؟

*کیا قران پاک پڑھنے سے پہلے اعوذ باللہ من الشیطان الرجیم پڑھنا واجب ہے؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم و رحمةاللہ وبرکاتہ 

کیا فرماتے ہیں علمائے دین مفتیانِ شرع متین مسئلہ ذیل کے بارہ میں کے قران پاک سے پہلے اعوذ باللہ من الشیطان الرجیم پڑھنا کیسا ہے پڑھنا واجب ہے یا سنت ہے یا مستحب ہے حدیث کے حوالے کی ساتھ کیا کچھ کتابوں میں واجبات کے لیے جیسے ایا ہے قران پاک سے پہلے پڑھنا واجب ہے اعوذ باللہ نہیں پڑھیں گے واجبات جھوٹ جائے گا اور گنہگار ہوں گے اس کے بارے میں صحیح رہنمائی فرما دے حدیث کے حوالے کے ساتھ

*سائل محمد معروف رضا انڈیا لکھنو*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

ہوائی بات مت کیا کرو اگر کسی کتاب میں پڑھے ہوتو حوالہ کے ساتھ لکھا کرو۔ 

شروع تلاوت میں اعوذ پڑھنا مستحب ہے اور ابتدائے سورت میں بسم ﷲ سنت، ورنہ مستحب ہے۔

قرآن مجید کی تلاوت شروع کرتے ہوئے اعوذ باللہ پڑھنا مستحب اور سورت کے شروع سے تلاوت شروع کرنی ہو تو تعوذ اور بسم اللہ دونوں پڑھنا سنت اور قرآن کریم کے آداب میں سے ہے، لہذا اس کا اہتمام کرنا چاہیے، تاہم یہ فرض یا واجب نہیں ہے اس لیے اس کو نہ پڑھنے سے گناہ گار نہیں ہوگا، البتہ برکات سے محرومی ہوگی۔

الفتاوى الهندية میں ہے 

"إذا أراد أن يقول بسم الله الرحمن الرحيم، فإن أراد افتتاح أمر لايتعوذ، وإن أراد قراءة القرآن يتعوذ، كذا في السراجية.

وعن محمد بن مقاتل - رحمه الله تعالى - فيمن أراد قراءة سورة أو قراءة آية فعليه أن يستعيذ بالله من الشيطان الرجيم ويتبع ذلك بسم الله الرحمن الرحيم، فإن استعاذ بسورة الأنفال وسمى ومر في قراءته إلى سورة التوبة وقرأها كفاه ما تقدم من الاستعاذة والتسمية، ولا ينبغي له أن يخالف الذين اتفقوا وكتبوا المصاحف التي في أيدي الناس، وإن اقتصر على ختم سورة الأنفال فقطع القراءة، ثم أراد أن يبتدئ سورة التوبة كان كإرادته ابتداء قراءته من الأنفال فيستعيذ ويسمي، وكذلك سائر السور، كذا في المحيط۔(الفتاوى الهندية (5/ 316)

حضرت علامہ مفتی جلال الدین امجدی رحمۃ اللہ علیہ فرماتے ہیں 

تلاوت کے شروع ميں اعوذ باﷲ پڑھنا مستحب ہے واجب نہيں۔ اور بے شک بہارِ شریعت ميں واجب چھپا ہے،جس پر غنیہ کا حوالہ ہے، حالانکہ غنيہ ،مطبوعہ: رحيميہ، ص463 ميں ہے التعوذ يستحب مرۃ واحدۃ ما لم يفصل بعمل دنيوی“(یعنی ایک مرتبہ تعوذ پڑھنا مستحب ہے جب تک اس تلاوت میں کوئی دنیاوی کام حائل نہ ہو)۔ تو معلوم ہوا کہ بہارِ شریعت ميں بہت سے مسائل جو ناشرين کی غفلتوں کی وجہ سے غلط چھپ گئے ہيں، ان ميں سے ايک يہ بھی ہے۔ (فتاوی فیض الرسول ،جلد1،صفحہ351،شبیر برادرز، لاہور)

واللہ ورسولہ اعلم بالصواب 

*كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال*

30/10/2024

+966534976522

*نوٹ/ شرعی سوال و جواب کے لئے بھائی ۔۔۔البرکاتی علماء فاونڈیشن گروپ*

*اور بہنیں فقہی مسائل برائے خواتین شرعی سوال و جواب گروپ ایڈمین عالمہ فاضلہ مفتیہ ثمرہ فاطمہ قادریہ رضویہ*

*اور ان لائن کورسیز کے لئے فیضان سیدہ عائشہ آن لائن اکیڈمی کورسیسز گروپس کو جوا ئن کرنے کے لیے ۔رابطہ کریں*