*کیا رمضان کا قضا روزہ لگاتار رکھنا ضروری ہے

*کیا رمضان کا قضا روزہ لگاتار رکھنا ضروری ہے؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے کرام ومفتیانِ عظام مسںٔلہ ذیل میں کہ زید کے کںٔی سالوں کے رمضان کے روزے قضا ہیں اب وہ سب کو ادا کرنا چاہتا ہے تو اس نے ہر پیر کے دن ایک ایک روزہ رکھنے کا ارادہ کیا ہے تو دریافت طلب امر یہ ہے کہ رمضان کے قضا روزے لگاتار رکھنے ہوں گے یا اس نے جیسا سوچا ہے کہ ہر پیر کے دن ایک روزہ رکھوں گا ایسا کر سکتا ہے لگاتار نہ رکھ کر۔

 

مدلل جواب عنایت فرماںٔیں مہربانی ہوگی 

*من جانب آمن خان الہ آباد انڈیا*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

فرض روزوں کی قضا میں اکٹھے روزے رکھنا ضروری نہیں ہے بلکہ الگ الگ کر کے بھی رکھ سکتے ہیں۔آپ ہر پیر کو رکھ سکتے ہیں۔ہاں کوشش کی جائے جلدازجلد تمام روزے رکھ لیے جائیں ۔

حاصل کلام یہ ہے کہ رمضان المبارک کے روزوں کی قضا میں مسلسل روزے رکھنا لازم نہیں ہے، جب چاہے وقفے وقفے سے قضا روزے رکھنا درست ہے،البتہ رمضان میں روزہ رکھ کر جان بوجھ کربلا عذر توڑنے کی صورت میں قضا کے ساتھ کفارہ بھی لازم ہو تا ہے اور کفارہ یہ ہے کہ دو ماہ مسلسل روزے رکھے جائیں ،اگر درمیان میں ناغہ کیا اور صرف ایک دن کا بھی روزہ نہیں رکھا تو بھی نئے سرے سے دوبارہ روزے رکھنا واجب ہوگا پچھلے روزوں کا اعتبار نہ ہوگا ، لیکن اگرعمر رسیدگی کی وجہ سے ضعف و کم زوری ہو گئی ہو اور دو ماہ مسلسل روزے رکھنے کی بالکل استطاعت نہ ہو یا ایسا دائمی مرض ہو کہ دو ماہ مسلسل روزے رکھنے کی استطاعت نہ ہو تو ساٹھ مسکینوں کو دو وقت پیٹ بھر کر کھانا کھلا یا جائے۔

فتاوی شامی میں ہے

وقضوا لزومًا ما قدروا بلا فدية و بلا ولاء؛لأنه على التراخي."

(رد المحتار،کتاب الصوم، فصل في العوارض المبيحة ...)

فتاوی شامی میں ہے

فيعتق أولاً، فإن لم يجد صام شهرين متتابعين، فإن لم يستطع أطعم ستين مسكينًا."

(رد المحتار،کتاب الصوم، باب ما يفسد الصوم ...)

وفي الدر المختار وحاشية ابن عابدين :

(قوله: ككفارة المظاهر) مرتبط بقوله وكفر أي مثلها في الترتيب فيعتق أولا فإن لم يجد صام شهرين متتابعين فإن لم يستطع أطعم ستين مسكينا لحديث الأعرابي المعروف في الكتب الستة فلو أفطر ولو لعذر استأنف.(كتاب الصوم، باب ما يفسد الصوم وما لايفسده، رد المحتار2/ 412ط:)

واللہ ورسولہ اعلم بالصواب 

*كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال*

28/10/2024

+966534976522

*نوٹ/ شرعی سوال و جواب کے لئے بھائی ۔۔۔البرکاتی علماء فاونڈیشن گروپ*

*اور بہنیں فقہی مسائل برائے خواتین شرعی سوال و جواب گروپ ایڈمین عالمہ فاضلہ مفتیہ ثمرہ فاطمہ قادریہ رضویہ*

*اور ان لائن کورسیز کے لئے فیضان سیدہ عائشہ آن لائن اکیڈمی کورسیسز گروپس کو جوائن  کرنے کے لیے ۔رابطہ کریں*