سنت فجر چھوڑ کر امامت کرنا کیسا ہے؟

*سنت فجر چھوڑ کر امامت کرنا کیسا ہے؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ جیسے فجر کی جماعت کا ٹائم ہو گیا اور امام لیٹ ائے اور انہوں نے سنت نہیں پڑھی سیدھا جماعت پڑھا دی اس کے بعد وقت بچا تو سنت پڑھ لی تو کیا سنت پڑھ سکتا ہے بعد میں جماعت پڑھانے کے بعد؟ شرعی رہنمائی فرمائیں جزاک اللہ خیرا کثیرا 

 *سائل:- محمد شفیق خان انڈیا*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

فجر کی فرض پڑھنے کے بعد کوئی نماز نہیں، اگر سنت نہیں پڑھا تھا تو سورج نکلنے کے 20 منٹ کے بعد پڑھے۔

یاد رہے کہ اگر اتنا وقت باقی ہے کہ سنت پڑھ لینے کے بعد فرض ادا کرلے گا تو سنتوں کے پڑھنے کے بعد نماز پڑھائے۔ فجر کی سنت کا تاکد بہت زیادہ ہے، یہاں تک کہ قریب بوجوب ہے، بلکہ بعض فقہا اس کے وجوب کے قائل ہیں۔ اگر سنت فجر بغیر پڑھے ہوئے امامت کرے تو اس کا ترک لازم آئے گا کہ اب اس کی قضا بھی نہیں۔ اور بلا شبہہ بغیر عذر سنت فجر کا ترک اساءت ہے اور ظہر کی سنتیں اگرچہ بعد فرض پڑھ لے گا مگر بلا عذر اس کو اس کی جگہ سے ہٹانا بھی برا ہے کہ سنت قبلیہ میں اصل سنت یہی ہے کہ وہ فرض سے قبل پڑھی جائے۔ جماعت قائم ہوچکنے کے بعد مقتدی کا جماعت میں مشغول ہونا اور سنت کا مؤخر کرنا عذر شرعی کی وجہ سے ہے مگر بلا وجہ امام کا مؤخر کرنا سنت کے خلاف ہے۔(فتاویٰ امجدیہ، ج: 1، ص: 200)

واضح رہے کہ فجر کی سنت اگر چھوٹ جائے تو اسے بعد طلوع آفتاب ادا کرنے کا حکم حدیث نبوی سے ہے، امام طحاوی نے اپنی کتاب مشکل الآثار میں اس حدیث کو ذکر کیا ہے:

عن ابی ھریرۃ قال: کان النبیؐ اذا فاتتہ رکعتا الفجر صلاھما اذا طلعت الشمس۔

امام ترمذی نے بھی فجر کی سنت کے سلسلہ کی ایک روایت نقل کی ہے جس میں طلوع شمس کے بعد پڑھنے کا حکم ہے:

عن أبی ھریرۃ قال قال رسول ﷲ ؐ من لم یصل رکعتی الفجر فلیصلھا بعد ماتطلع الشمس۔

روایت ہے کہ بعد نماز فجر کوئی نماز نہیں ہے تاآنکہ آفتاب طلوع ہوجائے اس بنیاد پر فرض فجر کی ادائیگی کے بعد طلوع آفتاب تک کوئی نماز ادا نہیں کی جاتی ہے خواہ وہ سنت فجر ہو البتہ قضا کی اجازت ہے

واللہ ورسولہ اعلم بالصواب 

*كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال*

05/11/2024

+966534976522

*نوٹ/ شرعی سوال و جواب کے لئے بھائی ۔۔۔البرکاتی علماء فاونڈیشن گروپ*

*اور بہنیں فقہی مسائل برائے خواتین شرعی سوال و جواب گروپ ایڈمین عالمہ فاضلہ مفتیہ ثمرہ فاطمہ قادریہ رضویہ*

*اور ان لائن کورسیز کے لئے فیضان سیدہ عائشہ آن لائن اکیڈمی کورسیسز گروپس  کو جوائن کرنے کے لیے ۔رابطہ کریں*