*فاتحہ خوانی میں (ما کان محمد ابا احد من رجالکم) پر درود پڑھنا اور انگوٹھا چومنا کیسا ہے

*فاتحہ خوانی میں (ما کان محمد ابا احد من رجالکم) پر درود پڑھنا اور انگوٹھا چومنا کیسا ہے؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ

کیا فرماتے ہیں علمائے دین مفتیانِ شرع متین مسئلہ زیل کے بارہ میں کہ

 میت کے لیے دعا کرنے کے لیے جو ختم شریف پڑھا جاتا ہے 

آیت ( ما کان محمد ابا احد من رجالکم) اس آیت پر اکثر لوگ انگوٹھے چومتے ہیں کہتے ہیں نام محمد پر انگوٹھے چومنے چاہیے اور کچھہ لوگ نہیں چومتے وہ کہتے ہیں جب قرآن مجید پڑھا جائے تو خاموشی سے سنا جائے پوچھنا یہ ہے کہ یہاں انگوٹھے چوم سکتے ہیں یا نہیں ۔ حکم شرعی کیا ہے 

مزید یہ بھی ارشاد فرمائیں وہ کتنے مقام ہیں جن پر انگوٹھے نہیں چومنے چاہیے؟

*سائل حافظ محمد الیاس سیالوی ڈسٹرکٹ جھنگ پنجاب پاکستان*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

مسئلہ مسئولہ میں درود پاک پڑھنا یا انگوٹھے چومنا منع ہے شرعا اس کی اجازت نہیں کیونکہ تلاوت قرآن کے وقت اسے غور سے سننے کا حکم ہے۔ سیدی امام اہلسنت امام احمد رضا خان بریلوی علیہ الرحمہ لکھتے ہیں : ہاں اذان سننے میں (انگوٹھے چومنا) علمائے فقہ نے مستحب رکھا ہے-اور اس خاص موقع پر کچھ احادیث بھی وارد جو ایسی جگہ قابل تمسک ہیں۔۔۔مگر نماز میں یا خطبہ یا قرآن مجید سنتے وقت نہ چاہئے، نماز میں اسکی ممانعت تو ظاہر،اور استماع خطبہ وقرآن کے وقت یوں کہ اس وقت ہمہ تن گوش ہوکر تمام حرکات سے باز رہنا چاہئے،پنچایت کے وقت جو آیہ کریمہ “ما کان محمد ابا احد من رجالکم پر اس قدر کثرت سے انگوٹھے چومے جاتے ہیں گویا صدہا چڑیاں جمع ہوکر چہک رہی ہیں، یہاں تک کہ دور والوں کو قرآن عظیم کےبعض الفاظ کریمہ بھی اس وقت اچھی طرح سننے میں نہیں آتے-یہ فقیر کو سخت ناپسند وگراں گزرتا ہے صرف انگوٹھے لبوں سے لگا کر آنکھوں پر رکھنے میں کوئی حرج نہ بھی ہوتو بوسہ وتعظیم میں آواز نکلنے کا خود حکم نہیں-جیسے بوسہ سنگ اسود وآستانہ کعبہ وقرآن عظیم ودست وپائے علما وصلحا نہ کہ ایسی آوازیں کہ چڑیاں بسیرا لے رہی ہیں۔

(فتاوی رضویہ، جلد 22،ص 315،رضا فاؤنڈیشن ،لاہور)

واللہ ورسولہ اعلم بالصواب 

*كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال*

29/10/2024

+966534976522

*نوٹ/ شرعی سوال و جواب کے لئے بھائی ۔۔۔البرکاتی علماء فاونڈیشن گروپ*

*اور بہنیں فقہی مسائل برائے خواتین شرعی سوال و جواب گروپ ایڈمین عالمہ فاضلہ مفتیہ ثمرہ فاطمہ قادریہ رضویہ*

*اور ان لائن کورسیز کے لئے فیضان سیدہ عائشہ آن لائن اکیڈمی کورسیسز گروپس کو ج وائن کرنے کے لیے ۔رابطہ کریں*