کیا چار رکعات تہجد ایک سلام سے پڑھ سکتے ہیں؟*
*کیا چار رکعات تہجد ایک سلام سے پڑھ سکتے ہیں؟*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللّٰہ و برکاتہ
جناب من عرض ہے کہ
کیا تہجد کے نوافل ٹائم کم ہونے کی صورت میں چار رکعت میں پڑھ سکتے ہیں (جس میں درمیان والا التحیات مکمل پڑھ کے تیسری رکعت پھر شروع سے سبحانک سے پڑھی جائے) رہنمائی فرمائیے گا
*سائل محسن اشتیاق شہر منڈی بہاوالدین*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
مسئلہ مسئولہ4 رکعات ایک سلام سے نماز تہجد پڑھ سکتے ہیں
البتہ تہجد کی نماز میں افضل یہ ہے کہ آٹھ رکعت چار سلام کے ساتھ پڑھی جائیں، یعنی دو دو رکعت کرکے پڑھا جائے، تاہم اگر آٹھ رکعت تہجد ایک سلام سے پڑھ لے تو یہ بلاکراہت جائز ہے، اور اس کا طریقہ عام نوافل کی طرح ہی ہے،اور اس میں ہر دو رکعت کے بعد قعدہ کیا جائے گا، اور چوں کہ نوافل کی ہر دو رکعت مستقل نماز ہوتی ہے؛ اس لیے اس میں بہتر یہی ہے کہ ہر دوسری رکعت کے قعدہ کے بعد درود اور دعا بھی پڑھیں، اور تیسری، پانچویں اور ساتویں رکعت میں ثنا بھی پڑھیں، تاہم اگر قعدے میں التحیات کے بعد درود اور دعانہیں پڑھی یا اگلی رکعت کے شروع میں ثنا نہیں پڑھی تو بھی نماز ادا ہوجائے گی۔
الدر المختار وحاشية ابن عابدين (رد المحتار میں ہے
وصلاة الليل وأقلها على ما في الجوهرة ثمان، ولو جعله أثلاثاً فالأوسط أفضل، ولو أنصافاً فالأخير أفضل.
(قوله: وأقلها على ما في الجوهرة ثمان) قيد بقوله: على ما في الجوهرة؛ لأنه في الحاوي القدسي قال: يصلي ما سهل عليه ولو ركعتين والسنة فيها ثماني ركعات بأربع تسليمات اهـ والتقييد بأربع تسليمات مبني على قول الصاحبين، وأما على قول الإمام فلا كما ذكره في الحلية".
(الدر المختار وحاشية ابن عابدين (رد المحتار) (2/ 24)
:
الدر المختار وحاشية ابن عابدين (رد المحتار) ۔میں ہے
"(وتكره الزيادة على أربع في نفل النهار، وعلى ثمان ليلا بتسليمة) لأنه لم يرد (والأفضل فيهما الرباع بتسليمة) وقالا: في الليل المثنى أفضل، قيل: وبه يفتى (الدر المختار وحاشية ابن عابدين (رد المحتار) (2/ 15)
واللہ ورسولہ اعلم بالصواب
*كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال*
03/11/2024
+966534976522
*نوٹ/ شرعی سوال و جواب کے لئے بھائی ۔۔۔البرکاتی علماء فاونڈیشن گروپ*
*اور بہنیں فقہی مسائل برائے خواتین شرعی سوال و جواب گروپ ایڈمین عالمہ فاضلہ مفتیہ ثمرہ فاطمہ قادریہ رضویہ*
*اور ان لائن کورسیز کے لئے فیضان سیدہ عائشہ آن لائن اکیڈمی کورسیسز گروپس کو جوائن کرنے کے لیے ۔رابطہ کریں*
Comments
Post a Comment