چھٹھ پوجا میں مسلم عورتوں کو منت ماننا کیسا یے؟*

*چھٹھ پوجا میں مسلم عورتوں کو منت ماننا کیسا یے؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام علیکم ورحمتہ اللہ وبرکاتہ 

کیا فرماتے ہیں علمائے دین و مفتیان شرع متین مسٔلہ کے بارے میں کہ 

یہ جو غیر مسلم چھٹ پوجا مناتے ہیں یا پھر چھٹ مناتے ہیں اس میں مسلم عورتیں جاکے منت مانگتی ہیں یا پھر کسی غیر مسلم عورتوں کو روپیہ وغیرہ دیتی ہے اور کہتی ہے کہ میرے نام سے چھٹ منا لینا ایسے مسلم عورتوں کیلئے کیا حکم ھے 

برائے مہربانی قرآن وحدیث کی روشنی میں رونمائی فرماکر شکریہ کا موقع فراہم کریں 

*سائل حافظ محمد ھارون رضا اشرفی پورنیہ بہار انڈیا*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

چھٹھ ایک قدیم ہندو ویدک تہوار ہے جو تاریخی طور پر برصغیر پاک و ہند، خاص طور پر بھارتی ریاستوں بہار، مشرقی اتر پردیش اور جھارکھنڈ اور نیپال کے جنوبی حصوں میں منایا جاتا ہے۔.

چھٹ پوجا ہندو عقیدے کے مطابق بھگوان سورج اور چھتی مایا کی پوجا کرنے کے لیے منائی جاتی ہے۔ چھتی مایا بھگوان سورج کی بہن ہے۔ چھتی مایا کو دیوی اوشا کے نام سے بھی جانا جاتا ہے۔

مسئلہ مسئولہ میں چھٹھ پوجا میں مسلم عورتوں کو منتیں ماننا کفر یے ۔جو عورتیں ایسا کرتی ہیں وہ خارج از اسلام ہیں توبہ و استغفار کریں اور تجدید ایمان و نکاح بھی لازم ہے۔ 

اسی طرح اس پوجا کے لیے جائز سمجھتے ہوئے رقم دینا بھی کفر ہے چونکہ یہ خاص ہندو کا تہوار ہے۔

ہولی اور دیوالی چھٹھ وغیرہ ہندوٴوں کے مذہبی تہوار ہیں، مسلمانوں کے لیے غیروں کے مذہبی تہواروں میں شرکت کرنا یا ان کا کوئی مذہبی تہوار منانا ہرگز جائز نہیں، سخت حرام ہے؛ آدمی کافر اور دائرہ اسلام سے خارج ہوجاتا ہے، 

حدیث شریف میں ہے 

عن ابن عمر رضي اللّٰہ عنہما قال: قال رسول اللّٰہ صلی اللّٰہ علیہ وسلم: من تشبہ بقوم فہو منہم (سنن أبي داود، کتاب اللباس، باب في لبس الشہرة، ۲: ۵۵۹، رقم: ۴۰۳۱، ط: دار الفکر بیروت، مشکاة المصابیح، کتاب اللباس، الفصل الثاني ۲: ۳۷۵)

کنز العمال میں ہے 

 عن ابن مسعود رضي اللّٰہ عنہ عن النبي صلی اللّٰہ علیہ وسلم قال: من کثر سواد قوم فہو منہم، ومن رضي عمل قوم کان شریکًا في عملہ (کنز العمال، کتاب الصحبة من قسم الأقوال، ۹: ۲۲، رقم: ۲۴۷۳۵، ط موٴسسة الرسالة، بیروت) 

فتاوی ہندیہ میں ہے 

ویکفر بخروجہ إلی نیروز المجوس لموافقتہ معہم فیما یفعلون في ذٰلک الیوم وبشرائہ یوم النیروز شیئاً لم یکن یشتریہ قبل ذلک تعظیماً للنیروز لا للأکل والشرب وب؛ ھدائہ ذلک الیوم للمشرکین ولو بیضة، ……وبتحسین أمر الکفار اتفاقاً الخ (الفتاوی الہندیة ۲: ۲۷۶، ۲۷۷، )

الفتاوی البزازیة میں ہے 

 اجتمع المجوس یوم النیروز فقال مسلم: خوب سیرت نہادند یکفر، ……وماجرت العادة فی سمرقند بنصب أمیرنوروز واجتماع الناس وخروجہم إلی آب رحمہ واجتماعہم فیہ ثلاثة أیام وإہداء الناس إلی أمیرنوروز فلاشک أنہم إذا أرادوا تعظیم الیوم بذالک کفروا وإن أرادوا غیرہ فالأصوب والأوجب ترکہ (الفتاوی البزازیة، کتاب ألفاظ تکون اسلاما أو کفراً، السادس فی التشبیہ، علی ہامش الہندیة ۶: ۳۳۳، ۳۳۴،)

 ،واللہ ورسولہ اعلم بالصواب 

*كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال*

05/11/2024

+966534976522

*نوٹ/ شرعی سوال و جواب کے لئے بھائی ۔۔۔البرکاتی علماء فاونڈیشن گروپ*

*اور بہنیں فقہی مسائل برائے خواتین شرعی سوال و جواب گروپ ایڈمین عالمہ فاضلہ مفتیہ ثمرہ فاطمہ قادریہ رضویہ*

*اور ان لائن کورسیز کے لئے فیضان سیدہ عائشہ آن لائن اکیڈمی کورس یسز گروپس کو جوائن کرنے کے لیے ۔رابطہ کریں*