کیا عورت کو حالت سجدہ میں پیر کی انگلیاں زمین سے لگانا ضروری ہے

*کیا عورت کو حالت سجدہ میں پیر کی انگلیاں زمین سے لگانا ضروری ہے؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

سوال یہ ہے کہ نماز میں حالت سجدہ میں مردوں کا دونوں پیروں کے تین تین انگلیوں کا پیٹ زمین سے لگنا ضروری ہےاور مردوں کے لیے دونوں ہاتھوں کے انگلیوں قبلہ کی طرف ہونا مسنون ہے کیا ایسا ہی حکم عورتوں کے لئے بھی ہے ؟

*سائل،، محمد مستقیم رضا علیمی دیناج پوری انڈیا*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

عورتیں دونوں پیر داہنے طرف نکال کر سرین پر بیٹھ کر سمٹ کر سجدہ کرے گی مردوں کی طرح پیر کی انگلیاں زمین سے لگانا ضروری نہیں ہے بلکہ وہ نہیں لگائے گی چونکہ نہ لگانے میں ستر زیادہ ہے۔ ہاں ہاتھوں کی انگلیاں قبلہ کی طرف کرے گی۔ 

فیض القدیرشرح جامع الصغیر میں اس حدیث پاک کے تحت ہے 

 أما الأنثى فيسن لها الضم لأنه أستر لها 

یعنی : (یہ حکم مردوں کے لیے ہے ) بہر حال عورتیں تو ان کے لیےسمٹ کر سجدہ کرنا سنت ہے کیونکہ اس میں عورت کے لیے زیادہ پردہ ہے۔ (فیض القدیر،جلد01،صفحہ553،مطبوعہ مصر ،بیروت)

 محقق علی الاطلاق شیخ عبد الحق محدث دہلوی علیہ رحمۃ اللہ القوی فرماتے ہیں :’’یہ حکم مردوں کے لیے ہے عورتوں کے لیے مسئلہ یہ ہے کہ وہ اپنے بازو زمین پر رکھیں اور اپنے پہلوؤں کو اس کے ساتھ ملا دیں کہ یہ ہیئت عورت کے پردہ کے لیے زیادہ بہتر اور قریب ہے۔‘‘ (اشعۃ اللمعات(مترجم)، جلد02، صفحہ 243، فرید بک اسٹال ، لاھور)

مفتی احمد یار خان نعیمی علیہ الرحمۃ فرماتے ہیں 

’یہ حکم مردوں کے لیے ہے عور ت کہنیاں بچھائے گی اور بازو پسلیوں سے ملائے رکھے گی کیونکہ اس میں ستر زیادہ ہے ‘(مرأۃ المناجیح ، جلد 02، صفحہ80، نعیمی کتب خانہ ، گجرات)

واللہ ورسولہ اعلم بالصواب 

*كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال*

03/11/2024

+966534976522

*نوٹ/ شرعی سوال و جواب کے لئے بھائی ۔۔۔البرکاتی علماء فاونڈیشن گروپ*

*اور بہنیں فقہی مسائل برائے خواتین شرعی سوال و جواب گروپ ایڈمین عالمہ فاضلہ مفتیہ ثمرہ فاطمہ قادریہ رضویہ*

*اور ان لائن کورسیز کے لئے فیضان سیدہ عائشہ آن لائن اکیڈمی کورسیسز گروپس کو  جوائن کرنے کے لیے ۔رابطہ کریں*