کیا لیدر یعنی چمڑے کی جیکٹ اور بیلٹ پہن کر نماز ہو سکتی ہے؟*

*کیا لیدر یعنی چمڑے کی جیکٹ اور بیلٹ پہن کر نماز ہو سکتی ہے؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام علیکم ورحمۃ اللہ وبرکاتہ 

کیا فرماتے ہیں علمائے کرام و مفتیان عظام درج ذیل سوال کے بارے میں 

 کیا لیدر یعنی چمڑے کی جیکٹ اور بیلٹ پہن کر نماز ہو سکتی ہے یا نہیں ؟

*سائل محمد ظفر رضا خیری قنوج یو پی انڈیا*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

چمڑے کی جیکٹ اور بیلٹ پہن کر نماز پڑھنا جائز ہے۔نماز ہوجائے گی۔

ان جانوروں کے چمڑے جنہیں شرعی طور پر ذبح کیا گیا ہو، اسی طرح وہ چمڑے جو مردار جانوروں کے ہوں لیکن انہیں دباغت دے دیا گیا ہو، یعنی آگ، نمک، کیمیکل یا کسی اور چیز کے ذریعے اس کی گندگی دور کردی گئی ہو، ایسے چمڑے پاک کہلاتے ہیں، اور ان سے بنی ہوئی اشیاء کا استعمال جائز ہو جاتا ہے، البتہ خنزیر اس سے مستثنیٰ ہے کہ خنزیر کا چمڑا دباغت کے بعد بھی بہرحال ناپاک ہی رہتا ہے۔

چمڑے کی جو چیزیں بازار میں دستیاب ہوتی ہیں، مثلاً چمڑے کی ٹوپی، جیکٹ، بیلٹ یا اس طرح کی کوئی اور چیز دباغت کے بعد ہی بنائی جاسکتی ہیں، ان چیزوں کا استعمال کرنا جائز ہے، اور اس پر نماز پڑھنا بھی درست ہے۔ لہٰذا صورت مسئولہ میں چمڑے کے بیلٹ جیکٹ لگاکر پڑھی گئی نماز درست ہوگی۔

حدیث شریف میں ہے 

عن عائشۃ زوج النبي ﷺ : أن رسول اللّٰہ ﷺ أمر أن یستمتع بجلود المیتۃ إذا دبغت ۔ (سنن ابو داؤد : ص/۵۶۹ ، کتاب اللباس ، باب في أہب المیتۃ)

الموسوعۃ الفقہیۃ میں ہے 

ذَهَبَ الْحَنَفِيَّةُ وَالشَّافِعِيَّةُ - وَهُوَ رِوَايَةٌ عَنْ أَحْمَدَ فِي جِلْدِ مَيْتَةِ مَأْكُول اللَّحْمِ - إِلَى أَنَّ الدِّبَاغَةَ وَسِيلَةٌ لِتَطْهِيرِ جُلُودِ الْمَيْتَةِ، سَوَاءٌ أَكَانَتْ مَأْكُولَةَ اللَّحْمِ أَمْ غَيْرَ مَأْكُولَةِ اللَّحْمِ، فَيَطْهُرُ بِالدِّبَاغِ جِلْدُ مَيْتَةِ سَائِرِ الْحَيَوَانَاتِ إِلاَّ جِلْدَ الْخِنْزِيرِ عِنْدَ الْجَمِيعِ لِنَجَاسَةِ عَيْنِهِ، وَإِلاَّ جِلْدَ الآْدَمِيِّ لِكَرَامَتِهِ۔ (الموسوعۃ الفقہیۃ : ٢٠/٤٥٠)

واللہ ورسولہ اعلم بالصواب 

*كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال*

31/10/2024

+966534976522

*نوٹ/ شرعی سوال و جواب کے لئے بھائی ۔۔۔البرکاتی علماء فاونڈیشن گروپ*

*اور بہنیں فقہی مسائل برائے خواتین شرعی سوال و جواب گروپ ایڈمین عالمہ فاضلہ مفتیہ ثمرہ فاطمہ قادریہ رضویہ*

*اور ان لائن کورسیز کے لئے فیضان سیدہ عائشہ آن لائن اکیڈمی کورسیسز گروپس  کو جوائن کرنے کے لیے ۔رابطہ کریں*