طلاق کے بغیر جس مولانا نے نکاح پڑھا یا اور جو گواہ بنے ان پر شرعا کیا حکم ہے؟*

*طلاق کے بغیر جس مولانا نے نکاح پڑھا یا اور جو گواہ بنے ان پر شرعا کیا حکم ہے؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمۃ اللہ وبرکاتہ 

شرعی طلاق کے بغیر جو حضرت ان کا نکاح پڑھا یا ہے مولانا صاحب۔ اس پر شریعت کا کیا حکم ہے؟ اور جو اس نکاح کے گواہ ہیں ان حضرات پر شریعت کا کیا حکم ہے؟ 

 جواب عنایت عطا فرمائے حضور نوازش کرم ہوگا

*سائل مولانا شمس الدین شوبھا پور نیپال*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

شوہر اول کے ہوتے ہوئے دوسرے سے نکاح کرنا کرانا ناجائز و حرام ہے اگر کیا تو زنا ہوگا۔

قرآن مجید میں ارشاد ہے 

وَّ الْمُحْصَنٰتُ مِنَ النِّسَآءِ اِلَّا مَا مَلَكَتْ اَیْمَانُكُمْۚ- 

وہ عورتیں جن سے نکاح حرام ہے، یہاں بتایا جا رہا ہے کہ وہ عورت جس کا شوہر ہو وہ دوسرے مرد پر اس وقت تک حرام ہے جب تک پہلے کے نکاح یا اس کی عدت میں ہو 

(صراط الجنان سورہ نساء آیت ٢٣) 

شوہر اول طلاق دیدے یا انتقال کر جاۓ تو بعد عدت دوسرے سے نکاح کرسکتی ہے (ھکذا فی فتاوی خلیلیہ جلد دوم صفحہ ١٥٠)

 صورت مسئولہ میں جب زید کی بیوی کا نکاح بکر کے ساتھ کرنا ناجائز وحرام ہے چونکہ طلاق شرعی نہیں ہوئی۔ 

مولانا اور گواہ کو اگر علم نہیں تھا کہ یہ غیر طلاق شدہ ہے یعنی شوہر والی یے۔ پھر مولنا اور گواہ پر کوئی شرعی گرفت نہیں۔ امام کو اب جبکہ معلوم ہوا کہ شوہر والی ہے تو

فوراً ان دونوں کے نکاح کے ناجائز ہونے کا اعلان عام کر کے دونوں کو جدا کرے اور نکاحانہ روپیہ واپس کرے اور اگر ایسا نہ کرے تو تمام مسلمان ان سب کا سماجی بائیکاٹ کرے۔

 رب کا ارشاد ہے۔

 اِمَّا یُنْسِیَنَّكَ الشَّیْطٰنُ فَلَا تَقْعُدْ بَعْدَ الذِّكْرٰى مَعَ الْقَوْمِ الظّٰلِمِیْنَ (سورہ انعام آیت٦٨) 

 اور اگر امام و گواہ کو یہ علم تھا کہ ہندہ شادی شدہ غیر طلاق یافتہ یے۔ پھر نکاح پڑھا نا گواہ بننا حرام و گناہ ہے 

امام و گواہ توبہ و استغفار کریں نکاح باطل ہونے کا اعلان کرے نذرانہ واپس کرے اور 

ان دونوں کو چاہیے کہ فوراً جدا ہو جائیں اور ان دونوں پر توبہ واستغفار لازم ہے اور قبول توبہ کے لئے میلاد و قرآن خوانی و صدقہ و خیرات کرے

 واللہ ورسولہ اعلم بالصواب 

*كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال*

28/10/2024

+966534976522

*نوٹ/ شرعی سوال و جواب کے لئے بھائی ۔۔۔البرکاتی علماء فاونڈیشن گروپ*

*اور بہنیں فقہی مسائل برائے خواتین شرعی سوال و جواب گروپ ایڈمین عالمہ فاضلہ مفتیہ ثمرہ فاطمہ قادریہ رضویہ*

*اور ان لائن کورسیز کے لئے فیضان سیدہ عائشہ آن لائن اکیڈمی کورسیسز  گروپس کو جوائن کرنے کے لیے ۔رابطہ کریں*