ہاروت و ماروت یے دونوں فرشتے کیسے اس دنیا میں آئے، اور کیسے عذاب الٰہی میں گرفتار ہوئے

*ہاروت و ماروت یے دونوں فرشتے کیسے اس دنیا میں آئے، اور کیسے عذاب الٰہی میں گرفتار ہوئے؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرمفرشتوں کا بیاناتے ہیں علمائے دین ؤ مفتیان شرع متین اس مسئلہ کہ متعلق کہ ہاروت و ماروت یے دونوں فرشتے کیسے اس دنیا میں آئے، اور کیسے عذاب الٰہی میں گرفتار ہوئے، کس وجہ سے انہیں عذاب دیا گیا، مکمل واقعہ بیان فرما دیں جزاک اللہ خیرا 

*سائل محمد ندیم رضا قادری پنجاب پاکستان*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

جس وقت دنیا میں جادو کا بہت چرچا تھا اوراس کے عجیب اثرات کو دیکھ کر جاہلوں کو اس کی حقیقت اور انبیائے کرام کے معجزات کی حقیقت میں اختلاط واشتباہ ہونے لگا، اور بعض لوگ جادوگروں کو مقدس اور قابل اتباع سمجھنے لگے اور بعض لوگ جادو کو نیک کام سمجھ کر اس کو سیکھنے اور اس پر عمل کرنے لگے جیسا کہ موجودہ دور میں مسمریزم کے ساتھ لوگوں کا معاملہ ہورہا ہے، اللہ تعالیٰ نے اس اشتباہ اورغلطی کے رفع کرنے کے لیے بابل میں دو فرشتے ہاروت ماروت نامی اس کام کے لیے بھیجے کہ لوگوں کو سحر کی حقیقت اور اس کے شعبوں سے مطلع کردیں تاکہ اشتباہ جاتا رہے اور جادو پر عمل کرنے نیز جادوگروں کے اتباع کرنے سے اجتناب کرسکیں، اورجس طرح انبیاء علیہم السلام کی نبوت کو معجزات ودلائل سے ثابت کردیا جاتا ہے اسی طرح ہاروت وماروت کے فرشتہ ہونے پر دلائل قائم کردیئے گئے تاکہ ان کے احکامات وارشادات کی تعمیل واطاعت ممکن ہو۔پھر ہاروت و ماروت سے گناہ ہوگیا ہاروت و ماروت فرشتوں سے گناہ اس لیے ہوا کہ ان میں عارضی طور پر بشریت شامل کردی گئی تھی لہذا ان کے واقعہ سے فرشتوں کی عصمت پر اعتراض نہیں ہوسکتا،رب تعالٰی فرشتوں کے متعلق فرماتا ہے"لَا یَعْصُوۡنَ اللہَ مَاۤ اَمَرَہُمْ وَ یَفْعَلُوۡنَ مَا یُؤْمَرُوۡنَ"۔اس کی نفیس تحقیق تفسیر نعیمی کلاں پارہ اول میں دیکھئے۔۔

واللہ ورسولہ اعلم بالصواب 

*كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال*

28/10/2024

+966534976522

*نوٹ/ شرعی سوال و جواب کے لئے بھائی ۔۔۔البرکاتی علماء فاونڈیشن گروپ*

*اور بہنیں فقہی مسائل برائے خواتین شرعی سوال و جواب گروپ ایڈمین عالمہ فاضلہ مفتیہ ثمرہ فاطمہ قادریہ رضویہ*

*اور ان لائن کورسیز کے لئے فیضان سیدہ عائشہ آن لائن اکیڈمی کورسیسز گروپس کو جوائن  کرنے کے لیے ۔رابطہ کریں*