زید نے ہندوں کو اپنی بات سمجھانے کے لئے اللہ تعالیٰ کو بھگوان کہا زید پر شرعا کیا حکم ہوگا

*زید نے ہندوں کو اپنی بات سمجھانے کے لئے اللہ تعالیٰ کو بھگوان کہا زید پر شرعا کیا حکم ہوگا؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ

زید نے ہندوں کو اپنی بات سمجھانے کے لئے اللہ تعالیٰ کو بھگوان کہا زید پر شرعا کیا حکم ہوگا؟

شرعی رہنمائی فرمائیں جزاک اللہ خیرا کثیرا 

*سائل عبد اللہ پاکستان*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمدہ و نصلی علی رسولہ الکریم 

وعلیکم السلام ورحمتہ اللہ وبرکاتہ 

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

مذکورہ صورت میں اللہ تعالیٰ کو بھگوان کہنا حرام و گناہ ہے اس سے بچنا ضروری ہے چونکہ عام طور پر اللہ تعالی کو بھگوان کہنا کفر ہے اگر چہ زید نے کسی کو سمجھانے کے لئے ہی کیوں نہ ایسا لفظ استعمال کیا ہو زید کو چاہئیے کہ توبہ و استغفار کرے اور ایسے کلام سے پرہیز کریں 

فتاوی فقیہ ملت میں ہے 

بھگوان ہندو مذہب کے دیوتاؤں کا لقب ہے مثلا وہ اللہ تعالی کو بھگوان کہنا صحیح نہیں بلکہ حرام ہے وہ کے وہ کہتے ہیں بھگوان رام بھگوان کرشن وغیرہ اس لئے اللہ تعالیٰ کو بھگوان کہنا صحیح نہیں ہے بلکہ حرام ہے

 فقیہ اعظم ہند حضور صدر الشریعہ علیہ الرحمہ تحریر فرماتے ہیں 

خدا کو رام کہنا ہندؤں کا مذہب ہے اور اسے عام کہنا کملہ کفر ہے ہے 

(فتاوی امجدیہ جلد 4 ص 410)

 لہذا عالم دین توبہ و استغفار کرے اور اللہ تعالیٰ کو بھگوان کے نام سے مخاطب نہ کرنے کا عہد کرے (فتاوی فقیہ ملت جلد اول ص 66)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللہ تَعَالٰی عَلَیْہِ وَاٰلِہٖ وَسَلَّم

*کتبتہ کنیز فاطمہ قادریہ رضویہ شہر کانپور فقہی مسائل برائے خواتین شرعی سوال و جواب*

۱۳/۱۰/۲۰۲۴

*تصحیح و تصدیق حضرت مفتی محمد مجیب قادری حنفی العربی دار الافتاء البرکاتی علماء فاؤنڈیشن شرعی و جواب  ضلع سرہا نیپال*

۱۴/۱۰/۲۰۲۴