گوبر سے لیسی گئی زمین پر نماز پڑھنا کیسا ہے؟
*گوبر سے لیسی گئی زمین پر نماز پڑھنا کیسا ہے؟*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ
گوبر سے لیسی گئی زمین پر نماز پڑھنا کیسا ہے؟
شرعی رہنمائی فرمائیں جزاک اللہ خیرا کثیرا
*سائلہ عائشہ رضویہ بنارس انڈیا*
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمدہ و نصلی علی رسولہ الکریم
وعلیکم السلام ورحمتہ اللہ وبرکاتہ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
مذکورہ صورت میں گوبر سے لیسی گئی زمین اگر چہ سوکھ گئی ہو اس پر نماز پڑھنا جائز نہیں ہاں اگر اس زمین پر کوئی موٹا کپڑا وغیرہ بچھا کر نماز پڑھے تو نماز ہو جائے گی جب کہ تری مضلی کو نہ پہنچنے۔
بہار شریعت میں ہے
جو زمین گوبر سے لیسی گئی اگرچہ سُوکھ گئی ہو اس پر نماز جائز نہیں ہاں اگر وہ سُوکھ گئی اور اس پر کوئی موٹا کپڑا بچھا لیا، تو اس کپڑے پر نماز پڑھ سکتے ہیں اگرچہ کپڑے میں تری ہو مگر اتنی تری نہ ہو کہ زمین بھیگ کر اس کو تر کردے کہ اس صورت میں یہ کپڑا نجس ہو جائے گا اور نما ز نہ ہوگی۔
(بہار شریعت جلد دوم ص 407)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللہ تَعَالٰی عَلَیْہِ وَاٰلِہٖ وَسَلَّم
*کتبتہ کنیز فاطمہ قادریہ رضویہ شہر کانپور فقہی مسائل برائے خواتین شرعی سوال و جواب*
۱۵/۱۰/۲۰۲۴
*تصحیح و تصدیق حضرت مفتی محمد مجیب قادری حنفی العربی دار الافتاء البرکاتی علماء فاؤنڈیشن شرعی و جواب ضل ع سرہا نیپال*
۱۶/۱۰/۲۰۲۴
Comments
Post a Comment