ایک اعرابی نے حضرت علی کرم اللہ تعالیٰ وجہہ الکریم سے جو تیرہ سوالات کئے وہ کیا ہیں ؟❣️*

 *❣️ایک اعرابی نے حضرت علی کرم اللہ تعالیٰ وجہہ الکریم سے جو تیرہ سوالات کئے وہ کیا ہیں ؟❣️* 

سوال حضرت علی رضی اللہ تعالی عنہ سے یہودیوں نے 12 سوال کیا تھا وہ کون کون سے تھے ۔۔۔۔ جواب ارسال کریں تفصیل میں مہربانی ہوگی ۔

*سائل محمد سفیان قادری مراداباد یوپی انڈیا*

اـــــــــــــــــــــ❣♻❣ــــــــــــــــــــــ

*وعلیکم السلام ورحمۃ اللہ وبرکاتہ*

*الجواب* روایات میں آتا ہے کہ ایک اعرابی نے حضرت علی کرم اللہ تعالیٰ وجہہ الکریم سے تیرہ سوالات کئے جنکی تفصیل کچھ اس طرح ہے ۔ 

سوال(1) وہ کونسا نر ہے جسکا باپ اور ماں نہیں ہے ؟

جواب (1) آپ نے فرمایا وہ حضرت آدم علیہ السلام ہیں ۔

سوال (2) وہ کونسی مادہ ہے جو بغیر ماں باپ کے پیدا ہوئی ؟

جواب (2) آپ نے فرمایا وہ حضرت حوا رضی اللہ تعالیٰ عنہا ہیں ۔

سوال (3) وہ کونسا نر ہے جو بغیر نر کے پیدا ہوا ؟

جواب (3) آپ نے فرمایا وہ حضرت عیسیٰ علیہ السلام ہیں ۔

سوال (4) وہ کونسی قبر ہے جس نے قبر والے کو سیر کرائی ؟

جواب (4) آپ نے فرمایا کہ وہ قبر مچھلی ہے جو حضرت یونس علیہ السلام کو اپنے پیٹ میں لیکر پھرتی رہی ۔

سوال (5) وہ کونسا جسم ہے جس نے ایک مرتبہ کھایا پھر کبھی نہیں کھایا ؟

جواب (5) آپ نے فرمایا کہ وہ جسم حضرت موسیٰ علیہ السلام کا عصا ہے جو سانپ بنکر فرعون کے جادوگروں کے جادو کو نگل گیا ۔

سوال (6) وہ زمین کا کونسا ٹکڑا ہے جہاں صرف ایک مرتبہ سورج کی روشنی پڑی ؟

جواب (6) آپ نے فرمایا کہ دریائے نیل کا وہ حصہ جو حضرت موسیٰ علیہ السلام کے عصا سے شق ہوا تھا ۔

سوال (7) ایسا کونسا جاندار ہے جو پتھر سے پیدا ہوا ؟

جواب (7) آپ نے فرمایا کہ وہ حضرت صالح علیہ السلام کی اونٹنی ہے جو پتھر سے پیدا ہوئی ۔

سوال (8) وہ کونسی عورت ہے جس نے تین ساعت میں بچے کو جنم دیا ؟

جواب (8) آپ نے فرمایا کہ وہ حضرت مریم رضی اللہ تعالیٰ عنہا ہیں جنہوں نے حضرت عیسیٰ علیہ السلام کو جنا ۔

سوال (9) وہ کونسے دو دوست ہیں جو آپس میں کبھی ایک دوسرے کے دشمن نہیں ہوتے ؟

جواب (9) آپ نے فرمایا کہ وہ جسم اور جان ہیں جو کبھی ایک دوسرے کے دشمن نہیں ہوتے ۔

سوال (10) وہ کونسے دو دشمن ہیں جو آپس میں کبھی ایک دوسرے کے دوست نہیں ہوتے ؟

جواب (10) آپ نے فرمایا کہ وہ موت اور زندگی ہیں جو کبھی ایک دوسرے کے دوست نہیں ہوتے ۔

سوال (11) شے اور لا شے کیا ہے ؟

جواب (11) آپ نے فرمایا کہ شے مؤمن ہے اور لاشے کافر ہے ۔

سوال (12) رحم مادر میں سب پہلے کونسا عضو بنتا ہے ؟

جواب (12) آپ نے فرمایا کہ رحم مادر میں سب سے پہلے شہادت کی انگلی بنتی ہے ۔

سوال (13) قبر میں سب سے آخر میں کونسی چیز فنا ہوتی ہے ؟

جواب ( 13) آپ نے فرمایا بندہ کے دماغ کی ہڈی ۔

اس اعرابی نے جب آپ رضی اللہ تعالیٰ عنہ کے جوابات سنے تو بے اختیار آپ رضی اللہ تعالیٰ عنہ کا ماتھا چوم لیا ۔

*( 📚 بحوالہ حضرت علی المرتضیٰ رضی اللہ تعالیٰ عنہ کے فیصلے ص: 148/149/ اکبر بک سیلرز لاہور )*

سوال میں یہودیوں کا ذکر ہے جبکہ روایات میں اعرابی مذکور ہے اور سوال میں بارہ کا ذکر ہے جبکہ روایات میں تیرہ سوالات مذکور ہیں ۔

*واللہ تعالیٰ اعلم*

اـــــــــــــــــــــ❣♻❣ــــــــــــــــــــــ

*✍🏻کتبــــــــــــــــــــــــــــــــــہ*

*حضرت مفتی محمد اسرار احمد نوری بریلوی صاحب قبلہ مدظلہ العالی والنورانی*

*۲۶ محرم الحرام ۴۴۴١؁ھ بروز جمعرات*

اـــــــــــــــــــــ❣♻❣ــــــــــــــــــــــ

*✅ الجواب صحیح والمجیب نجیح :-*

حضرت علامہ مولانا مفتی محمد جابر القادری رضوی صاحب قبلہ جمشید پور 

*✅الجواب صحیح*

 حضرت علامہ مولانا محمد

 معصــوم رضا نوری صاحب قبلہ،  مد ظلہ العالی والنورانی 

*✅الجواب صحیح والمجیب نجیح :-*

حضرت مفتی شان محمد مصباحی القادری صاحب قبلہ فرخ آباد یوپی

اــــــــــــــــــــــ❣♻❣ـــــــــــــــــــــــ

*🔸فخر ازھر گروپ میں ایڈ کے لئے🔸* https://wa.me/+917542079555

https://wa.me/+917800878771

اـــــــــــــــــــــ❣♻❣ــــــــــــــــــــــ

*المشتـــہر؛*

*منجانب منتظمین فــخــر ازھـــر گــروپ*

اـــــــــــــــــــــ❣♻❣ــــــــــــــــــــــ