*ہمبستری کے بعد غسل کرلیا لیکن کچھ دیر بعد پھر پانی باہر آیا۔کیا اب دوبارہ غسل کرنا ہوگا؟*

 *سوال نمبر 7959*

*ہمبستری کے بعد غسل کرلیا لیکن کچھ دیر بعد پھر پانی باہر آیا۔کیا اب دوبارہ غسل کرنا ہوگا؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ

ہمبستری کے بعد غسل کرلیا لیکن کچھ دیر بعد پھر پانی باہر آیا۔کیا اب دوبارہ غسل کرنا ہوگا؟

شرعی رہنمائی فرمائیں جزاک اللہ خیرا کثیرا 

*سائلہ ام حسان شہر کراچی فقہی مسائل برائے خواتین شرعی سوال و جواب*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

مسئلہ مسئولہ میں اگر میاں بیوی کے ازدواجی تعلق قائم کرکے غسلِ جنابت کرنے بعد اگر بیوی کی شرم گاہ سے شوہر کا مادہ منویہ باہر آجائے تو بیوی پر دوبارہ غسل کرنا لازم نہیں ہوگا، اور اگر بیوی کا اپنا مادہ منویہ نکل آئے (جس کا وقوع نادر ہے) تو اگر غسل سے پہلے عورت نے استنجا کیا تھا، یا سو گئی تھی یا (چالیس قدم یا اس سے ) زیادہ چلنے پھرنے کے بعد غسل جنابت کیا تھا اور اس کے بعد منی کے کچھ قطرے آگئے تو دوبارہ غسل واجب نہیں ہوگا، اگر فوراً غسل جنابت کرلیا تھا اور اس کے بعد اس کی بقیہ منی کے کچھ قطرات نکلے ہوں تو اس صورت میں دوبارہ غسل کرنا واجب ہوگا۔

الدر المختار میں ہے

ولذا قال (وإن لم يخرج) من رأس الذكر (بها) وشرطه أبو يوسف"

وفي الشامية تحته:

(قوله: وشرطه أبو يوسف) أي شرط الدفق، وأثر الخلاف يظهر فيما لو احتلم أو نظر بشهوة فأمسك ذكره حتى سكنت شهوته ثم أرسله فأنزل وجب عندهما لا عنده، وكذا لو خرج منه بقية المني بعد الغسل قبل النوم أو البول أو المشي الكثير نهر أي لا بعده؛ لأن النوم والبول والمشي يقطع مادة الزائل عن مكانه بشهوة فيكون الثاني زائلا عن مكانه بلا شهوة فلا يجب الغسل اتفاقا زيلعي، وأطلق المشي كثير، وقيده في المجتبى بالكثير وهو أوجه؛ لأن الخطوة والخطوتين لا يكون منهما ذلك حلية وبحر. قال المقدسي: وفي خاطري أنه عين له أربعون خطوة فلينظر. اهـ".

(‌‌كتاب الطهارة، 1/ 160،)

فتاوی ہندیہ میں ہے

لو اغتسل من الجنابة قبل أن يبول أو ينام وصلى ثم خرج بقية المني فعليه أن يغتسل عندهما خلافا لأبي يوسف - رحمه الله تعالى - ولكن لا يعيد تلك الصلاة في قولهم جميعا. كذا في الذخيرة ولو خرج بعد ما بال أو نام أو مشى لا يجب عليه الغسل اتفاقا. كذا في التبيين"(‌‌‌‌كتاب الطهارة، الباب الثاني في الغسل، الفصل الثالث في المعاني الموجبة للغسل1/ 14)

حاصل کلام یہ ہے کہ اگرغسل فرض ہونے کے بعد کوئی ایسا کام کیاکہ جس سے پہلی منی (جوشہوت کے ساتھ اپنی جگہ سے جدا ہوئی تھی،اس ) کا کچھ حصہ اگرجسم میں رہ گیاہو تو وہ باہرنکل آئے مثلا پیشاب کیا،یاسوگیا یامثلا چالیس قدم چلت پھرت کی ،اوریوں کافی اطمینان ہوگیاکہ پہلی منی کاکوئی حصہ اب جسم میں باقی نہیں رہا،پھراس کے بعدغسل کیااورغسل کے بعدمنی کاکوئی قطرہ نکلاتواس سے دوبارہ غسل فرض نہیں ہوگاکیونکہ یہ اب نئی منی ہے جو بغیرشہوت کے جدا ہوئی ۔

اوراگرغسل فرض ہونے کے بعد اس طرح کاکوئی کام نہیں کیاتھاکہ جس سے پہلی منی کاساراپانی خارج ہونے کا اطمینان حاصل ہوتا،اورغسل کرلیاپھراس کے بعد منی کا کوئی قطرہ نکلاتواسے پہلی منی کابقیہ شمارکیاجائے گااوراس کے نکلنے کے بعد دوبارہ غسل کرنالازم ہوگا(۔ایسا فتاوی اہل سنت میں ہے)

واللہ ورسولہ اعلم بالصواب 

*كتبه/ محمد مجيب قادري لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال*

22/08/2024

+966534976522

*نوٹ/ شرعی سوال و جواب کے لئے بھائی ۔۔۔البرکاتی علماء فاونڈیشن گروپ*

*اور بہنیں فقہی مسائل برائے خواتین شرعی سوال و جواب گروپ ایڈمین عالمہ فاضلہ مفتیہ ثمرہ فاطمہ قادریہ رضویہ*

*اور ان لائن کورسیز کے لئے فیضان سیدہ عائشہ آن لائن اکیڈمی کورسی سز گروپس کو جوائن کریں ۔رابطہ کریں*