نابالغ کا کفن کتنا اور کیا ھونا چاہیئے پ

 *سوال نمبر 555*

*نابالغ کا کفن سنت کے مطابق کیا کیا اور کتنا ہونا چاہئیے؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ 

نابالغ کا کفن سنت کے مطابق کیا کیا اور کتنا ہونا چاہئیے؟

شرعی رہنمائی فرمائیں جزاک اللہ خیرا کثیرا 

*سائلہ رضوانہ فاطمہ کانپور انڈیا*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمدہ و نصلی علی رسولہ الکریم 

وعلیکم السلام ورحمتہ اللہ وبرکاتہ 

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ

مذکورہ صورت میں نابالغ اگر بارہ سال اور نابالغہ اگر نو سال کی ہے تو وہ بالغ و بالغہ کے حکم میں ہے جس طرح بالغ بالغہ کو کفن دیا جاتا ہے اسی طرح ان کو بھی دیا جائے گا اور اگر نابالغ 12 سال یا نابالغہ 9 سال کی نہ ہو تو اس وقت نابالغ کو ایک کپڑا اور نابالغہ کو دو کپڑے دے سکتے ہیں اگر نابالغ کو بھی دو دیں تو اچھا ہے 

لیکن بہتر یہ ہے کہ اگرچہ بچہ ایک دن کا ہی کیوں نہ ہو اسے پورا کفن دیا جائے

فتاوی فیض الرسول میں ہے 

نابالغ اگر حد شہوت کو پہنچ گیا ہو جس کا اندازہ لڑکوں میں بارہ سال اور لڑکیوں میں نو ہے تو وہ بالغ کے حکم میں ہے یعنی بالغ کو کفن میں جتنے کپڑے دیئے جاتے ہیں اسے بھی دیئے جائیں اور اس سے چھوٹے لڑکے کو ایک کپڑا اور چھوٹی لڑکی کو دو کپڑے دے سکتے ہیں اور اگر لڑکے کو بھی دو کپڑے دیئے جائیں تو اچھا ہے‘ اور بہتر یہ ہے کہ دونوں کو پورا کفن دیں اگرچہ ایک دن کا ہو۔ 

(فتاوی فیض الرسول جلد اول ص 402)

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللہ تَعَالٰی عَلَیْہِ وَاٰلِہٖ وَسَلَّم

*کتبتہ کنیز گلزار ملت قادری شہر کانپور فقہی مسائل برائے خواتین شرعی سوال و جواب*

۱۹/۸/۲۰۲۴

*تصحیح و تصدیق حضرت مفتی محمد مجیب قادری حنفی العربی دار الافتاء البرکاتی علماء فاؤنڈیشن شرعی و جوا ب ضلع سرہا نیپال*

۲۰/۸/۲۰۲۴