ثیبہ عورت کسے کہتے ہیں؟*

*ثیبہ عورت کسے کہتے ہیں؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام و علیکم ورحمتہ اللہ وبرکاتہ

کیا فرماتے ہیں علمائے کرام مفتیان عظام اس مسئلے کے بارے میں کہ

ثیبہ عورت کونسی ہوتی ہے 

 میں نے کتاب میں پڑھا ہے کہ مرد ثیبہ عورت کے ساتھ تنہائی میں نہ سوۓ مگر جب اس سے نکاح کرنے والا ہو یا پھر  اس کے ذوی المحرم ہو اس صورت میں تنہا سو سکتا ہے 

برائے کرم تفصیلی جواب عنایت فرمائیں 

*سائل:- احمد شہر لاہور پنجاب پاکستان*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

ثیبہ اِسمِ مؤ نث بیاہی عورت زنِ شوہر دیدہ،

جو لڑکی بیماری یا زیادتی حیض یا زنا کی وجہ سےثیبہ ہوگئی وہ باکرہ ہی ہے (المرأة المناجیح ج 5 ص 47 مکتبہ المدینہ)

شریعت کی رو سے قریب البلوغ اوربالغ لڑکے لڑکیوں کاایک بستر اور ایک لحاف میں سونامنع ہے چاہے بیٹا ماں کے ساتھ ہو یا بیٹی باپ کے ساتھ یا بھائی بہن کے ساتھ، 

حدیث شریف میں ہے 

وعن جابر رضي الله عنه قال : قال رسول الله صلى الله عليه و سلم  ألا لايبتن رجل عند امرأة ثيب إلا أن يكون ناكحاً أو ذا محرم (رواه مسلم (2/203)

حضرت جابر رضی اللہ عنہ سے روایت ہے کہ رسول اللہ ﷺ نے ارشاد فرمایا خبر دار! کوئی مرد کسی عورت کے پاس نہ ٹھہرے مگر یہ کہ وہ اس کا شوہر ہو یا اس کا  محرم ہو۔

خلاصہ یہ کہ غیر محرم عورت کے ساتھ خلوت تنہائی میں رہنا جائز نہیں ہے؛البتہ محرم کے ساتھ تنہائی میں رہنا جائز یے ۔

آپ نے کہاں پڑھا ہے ؟حوالہ درکار ہے ۔

والله ورسوله أعلم بالصواب 

*كتبه محمد مجیب قادري لهان ١٨خادم دارالافتاء البركاتي علماء فاونڈیشن ضلع سرہا نیپال*

16_01/2024