*مسافر امام کے پیچھے پوری نماز پڑھے گا یا قصر کرے گا؟

*مسافر امام کے پیچھے پوری نماز پڑھے گا یا قصر کرے گا؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ

 آپ حضور والا کی بارگاہ میں ایک سوال ہے کہ کتنے دور گھر سے باہر جانے پر مسافر ٹہرایا جائے گا؟ 15 دن سے زائد گھر سے باہر نکلنے پر مسافر رہے گا یا نہیں؟ کیا جو مسافر ہے صرف فرض نماز ہی پڑھے گا یا سنت بھی پڑھنا ہوگا ؟ 

کیا جو مسافر ہے وہ مسجد میں جماعت کے ساتھ نماز ادا کر نے مکمل نماز پڑھنگے یا قصر کرے گا؟

 قرآن و حدیث کی روشنی میں مدلل و مفصل جواب دیں کر شکریہ کا موقع دیں

*سائل فقیر محمد ملک رضا رضوی کشنگنج بہار انڈیا*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل

1/ 92 کلومیٹر گھر سے دور جانے پر مسافر ہوگا یعنی جب 92 کلومیٹر سفر کرنے کی نیت سے گھر سے باہر نکلا شرعی مسافر یے چاررکعات والی نماز کو دو پڑھے گا۔جب تک گھر واپس نہ اجائے اور باہر 15 دن سے کم رکنے کی نیت ہو۔

 اگر باہر 15 دن کسی جگہ رکنے کی نیت ہو ہھر اس جگہ قصر نہیں کریں گے مکمل نماز پڑھیں گے۔

2/ جس جگہ 15 دن سے زیادہ رکنے کی نیت ہو اس جگہ مسافر نہیں وہ وطن اقامت ہے باقی اس جگہ پہچنے سے پہلے راستے میں مسافر ہوگا ۔

3/ مسافر صرف 4 رکعات والی نماز میں قصر کرے گا باقی سب نماز مکمل پڑھے گا ۔

4/ مسافر جب مقیم امام کے ساتھ نماز پڑھے گا تو پوری نماز پڑھے گا  

یعنی مسافر جب مقیم کی اقتدا کرے گا تو پوری ہی نماز پڑھے گا خواہ قعدہ اخیرہ میں امام کے ساتھ ملا ہو ،مقیم امام کے پیچھے مسافر کے لیے قصر جائز نہیں۔

 حاصل کلام یہ ہے 

مسافر پر مقیم امام کے ساتھ پوری نماز پڑھنا واجب ہے خواہ وہ مقیم امام کے ساتھ شروع نماز میں داخل ہو یا درمیان میں۔

رسول اللہ  صلی اللہ علیہ وسلم  نے فرمایا 

 إنما جعل الإمام ليؤتم به 

 اما اس لئے بنایا گیا ہے کہ اس کی اقتداء کی جائے۔ ( متفق علیہ )

دوسری حدیث میں ہے اللہ کے رسول صلی اللہ علیہ وسلم  نے فرمایا 

فما أدركتم فصلوا وما فاتكم فأتموا

جو نماز تم امام کے ساتھ پا لو وہ پڑھو اور جو تم سے رہ گئی تھی اس کو پورا کر لو ''۔     (صحیح بخاری )

 یہ دونوں احادیث مسافر اور مقیم دونوں کیلئے عام ہیں ۔ جس طرح مقیم امام کی اقتداء کرتا ہے اسی طرح مسافر بھی امام کی اقتداء کرے گا۔ اسی طرح جماعت کے ساتھ نماز ادا کرتے ہوئے جو رکعات فوت ہو گئی تھیں ان کو پورا کیا جائے گا۔ مقتدی مسافر ہو یا مقیم کیونکہ یہ حکم عام ہے اور سب کیلئے ہے

والله ورسوله أعلم بالصواب 

*كتبه محمد مجیب قادري لهان ١٨خادم دارالافتاء البركاتي علماء فاونڈیشن ضلع سرہا نیپال*

15/01/2024