*زید نے کہا جب اللہ سے نہیں ڈرتا تو انسان سے کیا ڈرنا شرعا کیا حکم ہے؟*

*زید نے کہا جب اللہ سے نہیں ڈرتا تو انسان سے کیا ڈرنا شرعا کیا حکم ہے؟*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم و رحمۃ اللہ وبرکاتہ 

کیا فرماتے ہیں علمائےکرام ومفتیان عظام اس بارے میں کہ دوران گفتگو زید نے یہ کہا کہ جب الله سے نہیں ڈر تو پھر انسان سے کیا ڈرنا۔ 

عندالشرع زید پر کیا حکم نافظ ہوگا۔

 *سائل:- مجاہد علی مہراج گنج۔ یوپی انڈیا*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونصلي علي رسوله الكريم 

وعلیکم السلام ورحمة الله وبركاته 

الجواب بعونه تعالي عز وجل 

زید نے کہا میں اللہ سے نہیں ڈرتا تو انسان سے کیا ڈروں یہ کلمہ کفریہ ہے 

زید پر لازم ہے کہ وہ توبہ و تجدید ایمان کرے، بیوی والا ہو تو تجدید نکاح کرے مرید ہو تو تجدید بیعت بھی کرے

فتاوی بندیہ میں ہے

اذا قيل لرجل الاتخشى الله تعالى فقال في حالة

الغضب لا يصير كافراكذا في فتاوی قاضی خان (فتاوی عالمگیری ج ۲، ص: ۲۶۱، الباب التاسع في احكام المرتدين)

 ایک شخص سے کہا گیا: کیا تجھے الله کا در نہیں ہے؟ اس نے غصے میں کہا: نہیں۔ تو وہ کافر ہو گیا۔ ایسا بی فتاوی قاضی خان میں ہے۔

 بہار شریعت میں ہے

کسی سے کہا گناہ نہ کر ورنہ خدا تجھے جہنم میں ڈالے گا اس نے کہا میں جہنم سے نہیں ڈرتا یا کہا خدا کے عذاب کی کچھ پروا نہیں یا ایک نے دوسرے سے کہا تو خدا سے نہیں ڈرتا اس نے غصہ میں کہا نہیں یا کہا خدا کیا کر سکتا ہے اس کے سوا کیا کر سکتا ہے کہ دوزخ میں ڈالدے یا کہا خدا سے ڈر اس نے کہا خدا کہاں ہے یہ سب کفر کے کلمات ہیں۔ (بہار شریعت ج: ۲، ص ۴۶۲ مرتد کا بیان، المکتبۃ المدینہ)

والله ورسوله أعلم بالصواب 

*كتبه محمد مجیب قادري لهان ١٨خادم دارالافتاء البركاتي علماء فاونڈیشن ضلع سرہا نیپال*

16/01/2024