*❣️عدم علم کی وجہ سے بہن سے نکاح کرنے والے پر کیا حکم ھے؟

 *❣️عدم علم کی وجہ سے بہن سے نکاح کرنے والے پر کیا حکم ھے؟❣️*

السلام علیکم ورحمۃ اللہ وبرکاتہ

علمائے کرام سے ایک سوال عرض ہے : کہ دو بھائی بہن بچپن میں ایک گاؤں میں رہتے تھے ایک طوفان آیا جس سے دونوں بچھڑ گئے جوان ہوا دونوں کے درمیان محبت ہوئی شادی ہوئی پھر  بچہ بھی پیدا ہوا پھر دونوں کو معلوم چلا کہ ہم دونوں بھائی بہن ہے اس پر شریعت کا کیا حکم ہے ؟ حوالہ کے ساتھ جواب عنایت فرمانے کی زحمت گوارہ کریں

*سائلہ عائشہ فاطمہ*

اـــــــــــــــــــــ❣♻❣ـــــــــــــــــــــــ

*وعلیکم السلام ورحمة اللّٰه وبرکاته*

*الجواب :* بہن سے نکاح کرنا شرعا ناجائز اور حرام ہے ، اگر کسی نے کر لیا تو یہ نکاح فاسد ہوگا ، نکاح فاسد میں بچہ کا نسب ثابت ہوتا ہے

لہذا صورت مسؤلہ میں ان دونوں پر فوری طور پر ازدواجی تعلقات کو ختم کرنا لازم ہے ،

البتہ بچے کا نسب اس کے والد سے ثابت ہے 

📑جیسا کہ حضور بحر العلوم مفتی عبد المنان اعظمی علیہ الرحمہ اسی طرح کے ایک سوال کے جواب میں تحریر فرماتے ہیں کہ " صورت مسئولہ میں ان دونوں پر واجب ہے کہ فوراً علیحدہ ہو جائیں قرآن عظیم میں ہے کہ *" حُرِّمَتۡ عَلَیۡکُمۡ اُمَّهتُکُمۡ وَ بَنٰتُکُمۡ وَ اَخَوٰتُکُمۡ وَ عَمّٰتُکُمۡ وَ خٰلٰتُکُمۡ وَ بَنٰتُ الۡاَخِ وَ بَنٰتُ الۡاُخۡتِ " اھ*

*(📕 پ 5 سورہ نساء آیت 23 )*

اگر وہ دونوں علیحدہ نہ ہو تو محلہ اور پڑوس کے لوگ ان کو زبردستی علیحدہ کر دیں " اھ 

*(📘فتاوی بحر العلوم ج 2 ص 505 )*

🔍اور رہی بچے کی بات تو بچہ ثابت النسب ہوگا کیوں کہ اس کا نسب اس کے باپ سے ثابت ہے

جیسا کہ فتاوی عالمگیری میں ہے کہ *" رجل مسلم تزوج بمحارمه فجئن بأولاد يثبت نسب الأولاد منه عند أبي حنيفة رحمه الله تعالى خلافا لهما بناء على أن النكاح فاسد عند أبي حنيفة رحمه الله تعالى باطل عندهما كذا في الظهيرية " اھ*

*(📙فتاوی عالمگیری ج 1 ص 564 : کتاب الطلاق ، باب فی ثبوت النسب ، دار الکتب العلمیہ بیروت )*

📜 اور بدائع الصنائع میں ہے کہ *" و أما النكاح الفاسد ، فلا حكم له قبل الدخول ، وأما بعد الدخول ، فيتعلق به أحكام منها ثبوت النسب و منها وجوب العدة ، وهو حكم الدخول في الحقيقة ومنها وجوب المهر " اھ*

*(📚 بدائع الصنائع ج 2 ص 335 : کتاب النکاح ، فصل حکم النکاح الفاسد )*

*🔸واللہ اعلم بالصواب🔸*

اـــــــــــــــــــــ❣♻❣ــــــــــــــــــــــ

*✍🏻کتبـــــــــــــــــــــــــــــــــــہ*

*حضرت مولانا کریم اللہ رضوی صاحب قبلہ مدظلہ العالی والنورانی خادم التدریس دار العلوم مخدومیہ اوشیورہ برج جوگیشوری ممبئی*

*۱۱ ربیع الاول ٢۴۴۱؁ھ بروز جمعرات*

*رابطہ* https://wa.me/+917666456313

اــــــــــــــــــــــ❣♻❣ـــــــــــــــــــــــ

*✅الجواب صحیح والمجیب نجیح حضرت مفتی محمد امین قادری رضوی صاحب قبلہ*

اــــــــــــــــــــــ❣♻❣ـــــــــــــــــــــــ

*🔸فیضان غوث وخواجہ گروپ میں ایڈ کے لئے🔸* https://wa.me/+917800878771

اــــــــــــــــــــــ❣♻❣ـــــــــــــــــــــــ

*المشتـــہر؛*

*منتظمین فیضان غوث وخواجہ گروپ*

اــــــــــــــــــــــ❣♻❣ـــــــــــــــــــــــ