اصحابِ کہف کی تعداد کتنی تھی

السلام علیکم ورحمۃ اللہ 

کیا فرماتے ہیں علمائے کرام مسئلہ ذیل کے بارے میں کہ اللہ پاک نے قرآن پاک میں جو اصحابِ کہف کا ذکر فرمایا ہے انکی تعداد کتنی تھی اور ان لوگوں کے نام کیا ہیں اور آپ لوگوں میں سے کھانا لینے کے لئے کون گیا تھا

المستفتی۔ محمد شاداب رضا نوری گولہ گوکرن ناتھ (لکھیم پور کھیری)

وعلیکم السلام و رحمۃ اللہ و برکاتہ

 بسم اللہ الرحمن الرحیم 

الجواب بعون الملک الوھاب 

اصحاب کہف کی تعداد کے بارے میں کئی اقوال ہیں لیکن راجح قول کے مطابق اصحاب کہف کی تعداد سات ہے اسی طرح سے ان کے ناموں میں بھی کافی اختلاف ہے. جو کھانا لینے گئے تھے ان کا نام یملیخا ہے 

جیسا کہ تفسیر صراط الجنان میں خازن کے حوالہ سے ہے کہ 

اصحابِ کہف کے متعلق قوی ترین قول یہ ہے کہ وہ سات حضرات تھے اگرچہ ان کے ناموں  میں کسی قدر اختلاف ہے لیکن حضرت عبداللّٰہ بن عباس رَضِیَ اللّٰہُ تَعَالٰی عَنْہُمَا کی روایت پر جو خازن میں ہے ان کے نام یہ ہیں ۔

(1) مکسلمینا 

(2) یملیخا

 (3) مرطونس

 (4) بینونس،

 (5) سارینونس،

 (6) ذونوانس، 

(7) کشفیط طنونس.  اور اُن کے کتے کا نام قطمیر ہے۔     (خازن، الکھف، تحت الآیۃ : ۲۲ ،۳ / ۲۰۷)        

(تفسیر صراط الجنان سورہ کہف تحت الآیۃ اِذْ اَوَى الْفِتْیَةُ اِلَى الْكَهْفِ الخ)

     واللہ تعالیٰ اعلم

 کتبـــــــــــــــــــــــــــــــــــہ

   فقیر محمد ذیشان مصباحی غفر لہ 

         محمدی لکھیم پور کھیری

خادم التدریس جامعۃ المدینۃ ریاسی 

            جموں کشمیر انڈیا